హైదరాబాద్ : కుత్భుల్లాపూర్ ఎమ్మెల్యే వివేకానందగౌడ్‌కు చెందిన భవనాన్ని కూల్చివేయాలంటూ హైకోర్టు ఆదేశించింది. భవనంలో ఉన్న కార్పోరేట్ కాలేజీని వెంటనే ఖాళీ చేయాలని ఆదేశించింది. చింతల్‌‌లో ఎమ్మెల్యేకు పలు అక్రమాస్తులున్నాయని, వాటిపై చర్యలు తీసుకోవాలని పలువురు హైకోర్టులో పిటిషన్ దాఖలు చేశారు. దీనిపై గత కొద్ది రోజులుగా విచారించిన హైకోర్టు ఈరోజు స్పష్టమైన తీర్పును ఇచ్చింది. అక్రమకట్టడాలు ఎక్కడున్నా వాటిపై చర్యలు తీసుకోవాల్సిందే అని హైకోర్టు అభిప్రాయపడింది. ఈ నేపథ్యంలోనే చింతల్ హైదర్‌గూడ‌ ప్రాంతంలో ఉన్న ఎమ్మెల్యేకు చెందిన భవనాన్ని వెంటనే కూల్చివేయాలని హైకోర్టు స్పష్టమైన ఆదేశాలు జారీ చేసింది.27/06/2015